動詞、潮語
敷衍；唔認真、交行貨，求其做啲嘢應付人 to brush somebody off; to dick around; to be neglectful or carefree, especially when a serious response is expected; to go through the motions; to say or do just enough to get other people off your back; to beat around the bush
你唔好hea我喎！
你唔好hea我㖞！
nei5 m4 hou2 he3 ngo5 wo3! Don't brush me off like that!
次次同佢講親結婚啲嘢，佢都hea我㗎。
次次同佢讲亲结婚啲嘢，佢都hea我㗎。
ci3 ci3 tung4 keoi5 gong2 can1 git3 fan1 di1 je5, keoi5 dou1 he3 ngo5 gaa3. Every time I talk about marriage with him/her, he/she just brushes me off.
嗰個議員hea你咋，打完官腔就唔會再幫你跟進咖喇。
𠮶个议员hea你咋，打完官腔就唔会再帮你跟进咖喇。
go2 go3 ji5 jyun4 he3 nei5 zaa3, daa2 jyun4 gun1 hong1 zau6 m4 wui5 zoi3 bong1 nei5 gan1 zeon3 gaa3 laa3. The councilor is not going to take you seriously; after she finishes going through the motions, she won't be following up on your case anymore.
動詞、潮語
無所事事，漫無目的咁打發時間 being idle; to slack off; to kill time without any purpose
過兩個月先考試，hea下先啦。
过两个月先考试，hea下先啦。
gwo3 loeng5 go3 jyut6 sin1 haau2 si5, he3 haa5 sin1 laa1. There's two more months before the exam, let's just slack off for now.
我成朝都冇做過嘢，淨係喺度hea。
我成朝都冇做过嘢，净系喺度hea。
ngo5 seng4 ziu1 dou1 mou5 zou6 gwo3 je5, zing6 hai6 hai2 dou6 he3. I idled the morning away, not having done a single thing.
佢好hea㗎，冇乜大志，過得一日得一日咁。
佢好hea㗎，冇乜大志，过得一日得一日咁。
keoi5 hou2 he3 gaa3, mou5 mat1 daai6 zi3, gwo3 dak1 jat1 jat6 dak1 jat1 jat6 gam2. He is an indolent person with no ambition, living day to day without thinking about his future.
形容詞、潮語
形容事情冇挑戰性，可以輕鬆完成 undemanding; unchallenging; something that can be done with ease.
佢份工好hea㗎，冇咩嘢做，每日四點半就收得工。
佢份工好hea㗎，冇咩嘢做，每日四点半就收得工。
keoi5 fan6 gung1 hou2 he3 gaa3, mou5 me1 je5 zou6, mui5 jat6 sei3 dim2 bun3 zau6 sau1 dak1 gung1. His job is very undemanding. He doesn't really have much to do, and he leaves at 4:30pm every day.
唔使擔心，個測驗好hea，做50條選擇題啫。
唔使担心，个测验好hea，做50条选择题啫。
m4 sai2 daam1 sam1, go3 caak1 jim6 hou2 he3, zou6 ng5 sap6 tiu4 syun2 zaak6 tai4 ze1. Don't worry, the test is not challenging at all; it's just 50 multiple choice questions.
去飲都着得咁hea嘅你？
去饮都着得咁hea嘅你？
heoi3 jam2 dou1 zoek3 dak1 gam3 he3 ge2 nei5? Don't you think you're dressing up too casually for a wedding banquet?
副詞、潮語
求其；唔認真；馬虎；得過且過 indifferently; not giving a damn; carelessly; negligently; very casually
hea做
hea做
he3 zou6 to indifferently do
hea畫
hea画
he3 waak6 to indifferently draw
hea答
hea答
he3 daap3 to give an indifferent reply
佢份功課擺明係hea寫㗎啦。
佢份功课摆明系hea写㗎啦。
keoi5 fan6 gung1 fo3 baai2 ming4 hai6 he3 se2 gaa3 laa1. He did the homework very indifferently.